محمد الشاعر
المدير العـــــــــام وصاحب المنتدى
عدد المساهمات : 524
تاريخ التسجيل : 16/06/2011
العمر : 40
الموقع : https://alsha3r.ahlamontada.net/
 | | موضوع: امس خليت روحي بعتبة الباب ..... الإثنين سبتمبر 24, 2012 8:30 pm | |
| امس خليت روحي بعتبة الباب
بلكت بيها تعطف كون مريت
صور بالي خفت لا يوم تنساك
رسمت البال صوره بحايط البيت
مكابر روحي صارت لليدفنون
بهجرك صفت روحي تلوك للميت
المضيع ولف كل ضنه يلكاه
انه الغلطان ضني وبيك ضنيت
نارك ما طفت يل ضنتك ابراهيم
بردا لو سلاما جا كلتهن ريت
الك ناعور ضل اباب العيون
وكف من شاف ملح العين صبيت
الجفن للعين ساعت نومها شراع
جوادر جفن عيني وياك سويت
عشك اطفال روحي لهزت الكاروك
كارورك حضنته وما احس هزيت
جكاره من عشكته وشايب هواه
شمرني الجان يزهي بترست الباكيت
كبل تنخاني افزع وسط الارماح
وتعاتب رمح لو مني عديت
وصرتلك ماي ساعت شحو عليك
ترش بيه الشماته تكول ضحيت
درعت الزيج لمن ثارو عليك
عفت اهلي وجيت اوياك صفيت
والف مشكور منك هاي المجازات
خوش جروح تازه بيه حطيت
اليسئلك علي لتكله عافاك
ملك فوك الجتاف وياك ضليت | |
|
شيماء محمد
معاون المدير العام
عدد المساهمات : 31
تاريخ التسجيل : 06/10/2012
العمر : 45
| | موضوع: رد: امس خليت روحي بعتبة الباب ..... السبت أكتوبر 13, 2012 7:39 am | |
| وااااااااااااو حلو كثير يسلمووووو | |
|
